IMF ប៉ាន់ថា GDP កម្ពុជាឆ្នាំ២០២០ ធ្លាក់ពី +៦.៨% មក -១.៦% ព្រោះកូវីដ១៩ មូលនិធិរូបិយវត្ថុអន្តរជាតិ IMF បានចេញរបាយការណ៍របស់ខ្លួនចំពោះកំណើនផលិតផលក្នុងស្រុកសរុប (GDP) របស់ប្រទេសនានានៅក្នុងតំបន់អាស៊ានបូកជាមួយនឹងប្រទេសចិន​ និង ឥណ្ឌា។ ក្នុងរបាយការណ៍នោះបានបង្ហាញថា មុនពេលមានវិបត្តិកូវីដ១៩ ប្រទេសនានសុទ្ធតែមានកំណើន ​GDP ដោយក្នុងនោះ ប្រទេសកម្ពុជា មានកណើនខ្ពស់ជាងគេ ពោលគឺដល់ទៅ ៦.៨% ក្នុងឆ្នាំ២០២០នេះ។ តែដោយសារតែវិបត្តិកូវីដ១៩នេះ កំណើនទាំងនេះត្រូវបាន IMF យកមកប៉ាន់ស្មាន និង វិភាគម្តងទៀតដោយប្រទេសនីមួយៗសុទ្ធតែមានការធ្លាក់ចុះនូវកំនើន GDP នេះទាំងអស់។ ក្នុងនោះកម្ពុជា ស្ថិតនៅលេខ២ បន្ទាប់ពីប្រទេសថៃ ដែល GDP មានការធ្លាក់ចុះខ្លាំងជាងគេពោលគឺធ្លាក់ចុះដល់ទៅ ៨.៤% បើធៀបនឹងការប៉ាន់ស្មានកាលពីដើមឆ្នាំ២០២០។ មិនតែប៉ុណ្ណោះកូវីដ១៩ ក៏បានជះឥទ្ធិពលដល់ GDP កម្ពុជាឆ្នាំ២០២១ ផងដែរ ដែលធ្វើឱ្យកំណើននៅឆ្នាំ២០២១​ ធ្លាក់ពី ៦.៧% មកនៅត្រឹមតែ​ ៦.១% តែប៉ុណ្ណោះ៕