PSG ទឹកភ្នែកហើយ! បារាំង ប្រកាសឆាចោលសកម្មភាពកីឡាគ្រប់ប្រភេទទាំងអស់ ក្នុងឆ្នាំនេះ កាលពីថ្ងៃទី ២៨ ខែមេសា ឆ្នាំ២០២០ ម្សិលមិញនេះ រដ្ឋាភិបាលបារាំងបានចេញនូវវិធានការដ៏ក្តៅគគុក ដែលត្រូវបិទគ្រប់សកម្មភាពកីឡាទាំងអស់នៅក្នុងឆ្នាំ២០២០​ ដើម្បីបញ្ចៀសការកើនឡើងនៃការរាតត្បាតកូវីដ១៩។ ដូចកីឡាដទៃទៀតដែរ បាល់ទាត់ លីគកំពូលប្រទេសមួយនេះ បានប្រកួតចំនួន២៨សប្តាហ៍ទៅហើយ ពោលគឺនៅមិនដល់១០ប្រកួតទៀតទេ នឹងរកឃើញជើងឯកទៅហើយ ក៏ត្រូវចាត់ទុកជាអសាបង់ដែរ។ អ្វីដែលគួរឱ្យសោកស្តាយបំផុតនោះគឺ ក្លិបកំពូលតារាង Paris Saint Germaint ឆ្លងកាត់២៧ប្រកួត ចាញ់តែ៣ប្រកួតប៉ុណ្ណោះ ដោយដាច់ពិន្ទុក្រុមលេខ២ដល់ទៅ ១២ពិន្ទុ និងមានគ្រាប់ចំណេញដល់ទៅ ៥៧គ្រាប់ និង ត្រូវបាត់បង់ឱកាសពានរបស់ខ្លួនសម្រាប់រដូវកាលនេះ៕